مفرَّغ من كلام صاحب التجربة نفسه

هاي بنات. منتجنا اليوم او تجربتنا اليوم هي مقارنه بين منتجين. زي ما انتم شايفين مجات. فعلى اليسار عندنا كامل باك ماج وعلى اليمين عندنا هاف مليون كب. كلها 350 مللي لتر. راح نجرب معاكم مين افضل واحد منهم عند الشرب حيحفظ المشروبات الساخنه. ف يلا بسم الله بس خلونا شويه نتكلم عن الشكل الخارجي.

عشان نعرف لاحقا انه ممكن احد الاسباب هي مثلا ما تساعد ان المج يكون المحتوى الداخله ساخنه فيلا بسم الله. نبدا ببراند كامل باك. فزي ما انتم شايفين هذا التوب. هم يعتبروا هذه ميزه انه تقدر تفتحوه وتشربوا 360 من اي مكان. بس عن نفسي الصراحه احد السلبيات او اكبر سلبيه انه ممكن يجي اتربه اشياء على هذه و فهمتوا ما حد تشربوها يعني فما حبيت انه ما هو مؤمن او مغطى من فوق بس خلونا نشوف من الداخل.

زي ما انتم شايفين من الداخل ستيل. نجي عند هاف مليون. ام كويس انه الفم مغطى اللي اشرب منه او الفتحه يعني. زي كذا تتفتح على فوق. برضه من الداخل ستيل. ف يلا خلونا نجرب. في هذه التجربه حاحط نفس المحتوى في المجين فاخترت انه احط حليب ساخن يلا بسم الله.

شايفين كيف بخار الحراره حاقفل دحين على طول. والان اعبي الثاني زي ما انتم شايفين. خلاص عبيتها وقفلتها وتاكدت انه مقفل كويس دحين الساعه 9:30 الصباح وان شاء الله حرجع لكم لاحقا واقول لكم نتيجه التجربه. اهلا مره ثانيه. دحين الساعه 1:30 الظهر يا جماعه النتيجه صادمه. جربت يعني حسيت حراره الحليب في كل المجين وما توقعت ابدا انه كامل باك هذا.

احر من هاف مليون الصراحه حسيت هاف مليون صار بدرجه حراره عاديه مره يعني دافي حتى مو دافي احسه ما للبروده تخيلوا بينما كامل باك كان دافي ما للحراره شوي.