مفرَّغ من كلام صاحب التجربة نفسه

يا هلا المنتج هذا طبعا من شركه في اس سي. طبعا شركه في اس سي اساسا شركه للمنتجات التجميليه ومنتجات الاهتمام بالبشره والجسم. شركه بتعرض منتجاتها على الكثير من الوسائط الموثوقه زي وسيط نون مثلا وسيط نون هو شركه يعني معروفه نون اللي بنتعامل معاه وبنشتري معاه هو التطبيق المعروف نون.

طبعا المنتج هذا اشتريته من عند وسيط نون تقريبا ب 49 ريال يعني 50 ريال تقريبا. شوفوا هو الكميه اذا قلنا الاستخدام على كامل الجسم فللامانه ما راح تكفي لان الفراغ اللي شايفينه هذا اساسا من تجربه استخدام مره واحده فممكن من تجربتين ثلاثه يخلص المنتج. لان الاستخدام كان على جسم كامل.

لكن ممكن اذا قلنا لو نخصص المنتج هذا لمنطقه معينه فاقدر اضمن انه راح يكفي مده اقلها اقلها شهرين. المنتج هذا فكرته انه صمغ لكن صمغ بينحط على الجسم بيبقى 45 دقيقه 30 دقيقه يعني زي كذا وبعدها بعد ما تمضي 45 او 30 دقيقه بنشيله من على الجسم والمفروض انه يعني يعطينا نتائج زي ترطيب البشره وازاله الرؤوس السوداء.

مبدئيا من اول تجربه صراحه ما لاحظت فرق في الرؤوس السوداء على الجسم لكن الملمس ملمس البشره كان جدا جدا ناعم وما كان ناعم لساعه او ساعتين لا بالعكس قعدت قعدت معي النعومه هذه حتى بعد الجسم يمكن اليوم او يومين. المنتج ممكن يكون مؤلم شويه صراحه وقت الازاله لكنه ممكن يكون منتج مناسب لوقت الليل يعني في وقت احنا ما بنطلع وبنشوف الشمس فهو ممكن يكون منتج مناسب.

السعر شوي صراحه غالي يعني 50 ريال لكن ممكن نلاقيه في وسائط اخرى ارخص. طبعا ممكن يكون لا مو ممكن اكيد راح يكون المنتج هذا جدا خطر على الاطفال على الاطفال يعني لانه هذا صمغ فصمغ حقيقي يعني صمغ لكن بيوضع على الجسم لكن برضه بيظل صمغ فجدا خطير نحطه بين متناول ايدي الاطفال.

بالنسبه للوجه ففي تعليمات المنتج بيقول انه عادي بنحطه على الوجه لكن شخصيا ما بنصح لانه الوجه حساس والبشره معروفه انها جدا حساسه وممكن شيء زي الصمغ بياثر عليها وبيبدا يطلع التهابات واحمرار في البشره وممكن الحبوب تزيد فالافضل نجربه على مناطق يعني مثل الاكواع او الركب مناطق ما بتتاثر بسهوله.

وتقييم النهائي 7 من 10.