مفرَّغ من كلام صاحب التجربة نفسه

ابغى اتكلم اليوم عن جهاز لابيلا للاستشوار. طبعا الباكجنج واو صراحة ومرة مرة سهل انك وين ما تروحين تاخذينه معاك. هذه ميزة فيه مرة كويسة وعاجبني لهذا السبب. انه بسهولة اقدر اشيله معي اي مكان. طبعا جاء معاه هنا كيس مخمل وفيه مشبكين او فرشة لتنظيف الاستشوار بعد الاستخدام. طبعا لونه واو صراحة مرة حلو.

السلك طويل يعني ما يحتاج ما يحتاج انك تكونين قريبة مرة من الفيش اثناء الاستخدام. طبعا هنا في درجات الحرارة. هذا شكله. بالنسبة لي انا تجربتي فيه سيئة صراحة. استخدمه فقط في التجفيف، شعري الكيرلي بطبيعته فمرة ما يضبط لي الا لما تكون لفات الكيرلي باينة سواء في الجذور او في الاطراف.

فطبعا استخدمه للتجفيف، تجفيفه مرة حلو لان الهوا اللي فيه بارد. طبعا مع الاستخدام صراحة انعدمت الفرش حقته فصارت متلوية او ساحت. هو مو افضل شيء طبعا الحلو فيه يعني غير انه يجفف الشعر يعطي فوليوم مرة حلو فاحيانا اذا سويت شعري بجهاز ثاني استخدمه عشان اسوي القصة او الغرة تعطي فوليوم مرة واو صراحة.

اكيد ما راح اشتريه اشتريت غيره وكانت النتيجة افضل بكثير. بس اني استفدت منه في التجفيف صراحة الهوا البارد فيه مرة ساعدني للتجفيف والفوليوم غير عدا ذلك فصراحة لا كانت تجربتي فيه غير موفقة. يمكن يناسب اصحاب الشعر الناعم او الشعر الويفي شوية كذا اما اصحاب الكيرلي فللاسف ما ناسبني.