مفرَّغ من كلام صاحب التجربة نفسه

السلام عليكم بنات، اليوم بسوي لكم مقارنة بين الاستشوارين هذول. واحد اسمه ون ستيب، والثاني سولو من لابيل. وراح أبدأ أولاً بون ستيب. طبعاً يا بنات أنا أخذت استشوار هذا من ون ستيب عشان ما كنت أبغى أذي شعري بالحرارة، وكان الهوا أفضل خيار لتصفيف شعري. فأخذته عشان أخفف الحرارة على شعري وأريحه فترة.

لكن يا بنات هذا ما كان يسوي لي أي شيء في شعري، وكنت أتعب وأنا أسويه يعني فترات طويلة وفي النهاية النتيجة جداً عادية. الحرارة ما هي قوية، مع إنه في زي ما أنتم شايفين ثلاثة درجات حرارة منخفضة ومتوسطة وعالية. وأنا كنت حتى لو استعملت العالية ما أحس في نتيجة قوية، إلا إذا كان عندكم أطفال وشعورهم قصيرة خفيفة وتبغون تسوون لهم شيء خفيف ممكن، لكن تبغون تروحون مناسبة أو تسوون بهذا الاستشوار ما أنصحكم فيه.

غير إنه جداً خفيف، يعني ما أدري إذا هو أصلاً استشوار أو لا ماني دارية. والحين بتكلم عن استشوار لابيل. طبعاً أول شيء بتكلم عن التصميم جداً جميل والمسكة حقه جداً مريحة. والفرش زي ما أنتم شايفين حلوة وكل واحدة فيها من هذه الصغيرة عشان تمسك الشعر بقوة. يأخذ خصل كبيرة وخصل صغيرة، إذا تبغون تسوون لفة من تحت وزي كذا يعني تصففونه فخذوا خصل صغيرة أحسن، لكن تبغون تستشورونه وتخلصون بسرعة خصل كبيرة ويأخذ يأخذ خصل كبيرة ويستشورها كمان مضبوط.

في ثلاث درجات حرارة ومن هنا يمديكم تلفون الجهاز في منخفضة ومتوسطة وعالية. وكلهم جداً مناسبين حتى لو تبغوا تنشفوا شعركم بس من الموية جداً مناسب وما يحرق الشعر. في النهاية يا بنات إذا أنتم محتارين بين هذول الاثنين أنصحكم تاخذون حق لابيل، قوة دفع هوا وكمان الحرارة. وأيضاً التصميم.

وبس والله يا بنات وهذه نصيحتي لكم.