مفرَّغ من كلام صاحب التجربة نفسه

طبعا هذا الايباد هو ايباد اير الجيل الرابع. سعره تقريبا 4000 ريال ولونه اخضر. بيتتوفر منه عده الوان زي اللون الاسود واللون الازرق واللون الاخضر واللون الوردي. الايباد صراحه جدا جدا يعني يحتمل من ناحيه اذا كنا نبي ناخذه كيباد شغل او ايباد عمل فهو يعتبر جدا جدا ممتاز ومن افضل انواع الخيارات الايبادات خصوصا للطلاب الجامعيين او اللي عندهم بحوث او مشاريع تتطلب ايباد مساحته قويه.

طبعا الشاحن بيجي معاه السلك فقط ما يجي مع الفيش. تقريبا اخذته سنه 2020 وقت ازمه جائحه كورونا لانه نظرا انه ذاك الوقت كانت الدراسه اون لاين. طبعا الايباد كان سعره في ذاك الوقت 4000 ريال الان ممكن انه نزل سعره او ممكن انه ما عاد يتوفر هذا الايباد هذا النوع.

لكن في الوقت اللي كان بيتتوفر فيه هذا الايباد كان الايباد طبعا من افضل الايبادات ولا زال من افضل الايبادات اللي الان عندي 5 سنين. 6 سنين حتى مو 5. ولا زال يعمل بطريقه احترافيه وجوده ممتازه ما في اي نوع من الاعطال. طبعا على حسب الاستخدام كمان. الايباد الشاحن او السلك تبعه بيدوم فتره جدا طويله حتى اذا كان في يعني بعض التوجات اللي في السلك سلك نفسه قوي بيحتملها وبيخلي نفس الشاحن يحتمل لاطول فتره ممكنه.

الايباد بيحتمل مساحه جدا جدا كبيره للصور وللمشاريع الملفات البي دي اف للملفات العاديه الفيديوهات ذات المساحه الكبيره او لتحميل الفيديوهات من المنصات الخارجيه. الايباد جدا جدا ممتاز وشاشته جدا كبيره وقويه. وكذلك الايباد جدا كويس للاطفال لكن طبعا يلزم له بيت لانه كغيره من الاجهزه ممكن انه يطلع شرارات او شيء الواحد ما يحسب حسابه يعني.

لكن ايباد بشكل عام جدا جدا ممتاز ورائع وبعطيه في التقييم صراحه 10 من 10 تقييم كامل لانه ايباد جدا ممتاز وبيناسب اي نوع من انواع الشغل او الدراسه وكل الفئات اطفال او كبار.