مفرَّغ من كلام صاحب التجربة نفسه

يا هلا. طبعا المنتج اللي شايفينه قدامكم هو الترا كريمي من شركة مس بريتي. هذا المنتج طبعا هو كونسيلر اللي هو بيخفي العيوب في المكياج. طبعا كلنا نعرف استخدام الكونسيلر وينحط تحت العين عشان بيخفي الهالات والتصبغات اللي تكون تحت العين ومو شرط بس تحت العين عادي ممكن في الوجه كامل يعني.

المنتج جدا جدا مثالي للتغطية بالنسبة للناس اللي هالاتهم خفيفة. لكن بالنسبة للناس اللي بيعانوا من هالات يعني ثقيلة أو واضحة ولونها جدا واضح يحتاجوا طبعا بعض المنتجات الأخرى اللي تستخدم مع هذا الكونسيلر لكن بشكل عام الكونسيلر هذا تغطيته جدا جدا ممتازة. في عيب بسيط في هذا الكونسيلر ألا وأنه بيسيح بسرعة فهذا الشيء يلزم علينا أن نستخدم كمية جدا بسيطة.

طبعا هو جدا مشبع وكمية بسيطة بتغطي مناطق كثيرة من العين ولكن أي زيادة بتخلي الكونسيلر ما يثبت مهما دمجتي فيه أو بالبلش أو بالفرشة يعني. لكن هذا ما يعني أنه تغطيته سيئة بالعكس هو تغطيته جدا حلوة لكن يحتاج نحط كمية جدا جدا بسيطة تحت العين أو على أي منطقة في الوجه الخدود الفك الأنف أي منطقة لو نبغى نغطي عليها تصبغات أو عيوب لازم نحط كمية بسيطة.

طبعا بيختلف الكمية على حسب الـ يعني التصبغات في الوجه ولكن تحت العين دائما دائما لازم تكون منطقة يعني الكونسيلر فيها جدا بسيط. عشان كمان ما يخرب الأي شادو أو ما يبان سائل سايح العين أو سائل أكثر من لازم وكمان ممكن أنه لما نروح مناطق فيها يعني الجو ما في مكيف أو حار الكونسيلر هذا بيذوب على طول فطبعا يحتاج من بعد ما نوضع نحط عليه بودرة للتثبيت الشيء هذا جدا جدا مهم.

لكن بشكل عام الكونسيلر هذا مشبع وبيدوم وقت طويل وما بيسبب أي نوع من أنواع الحساسية طبعا على حسب البشرة لكن في أغلب حالات البشرة ما بيسبب أي نوع من أنواع الحساسية جدا ممتاز وسعره مرة حلو راح أكتب السعر في وصف الفيديو. طبعا من شركة معروفة اللي هي مس بريتي طبعا الشركة هذه جدا معروفة بمنتجاتها الأصلية والممتازة واللي واحدة منهم هي الترا كريمي اللي هو المنتج اللي قدامكم.

كونسيلر جدا مثالي بيناسب الصغيرات اللي ما بيحطوا ميك اب كثير وكمان للكبار لكن زي ما قلت الكمية لازم تكون جدا بسيطة طبعا مو بس على هذا الكونسيلر على كثير من الكونسيلرات. وطبعا التقييم النهائي هو 10 من 10.