كبسولات فيتامين سي والسيراميد من Elizabeth Arden عن تجربة

مفرَّغ من كلام صاحب التجربة نفسه

هاي بنات. منتجنا اليوم هو فيتامين سي سيراميد كبسولز من براند اليزابيث اردن. هذه أحد السيرومات اللي مرة مرة مشهورة خصوصاً إنها فيتامين سي. صراحة مرة شفت عنها ريفيوز مجلات كثير حقت التجميل تكلموا عنها، فالصراحة أشوفها أنها مرة معروفة بس حأتكلم عن تجربتي. ميزة الكبسولات اليزابيث اردن بشكل عام إنها مركزة وخصائصها محفوظة بداخل الكبسولة.

طبعاً ذا السيروم هذه العلبة أنا ماخذة كورس حق شهرين ففيها 60 كبسولة. السيروم كانه زيتي شوي لأنه فيها مادة السيراميد وتركيبتها مشابهة جداً لطبيعة البشرة. ف لأنه البشرة هي تنتج زيت عشان كذا تمتص الكبسولات بشكل مرة أسرع. ف زي ما قلت الصراحة أنه هذا أشوفه أفضل فيتامين سي سيروم وأهم شيء معروف عنه أنه هو يوحد لون البشرة.

اللي يعانوا من بقع فهذا الصراحة أنصحكم فيه أنه يوحد لون البشرة ويفتحها بشكل مرة حلو. مرة الصراحة شيء أساسي يعتبر لأنه فيه مضاد للأكسدة. ف طريقة الاستخدام تستخدموه في الصباح، اغسلي وجهك بالغسول بعدين نشفيه بشويش بعدها حطي تونر على وجهك. واستخدمي الصراحة ما شاء الله يعني ما يحتاج أي كريم بعده لأنه هو زي ما قلت لكم قوامه زيتي فبعد ما تستخدمي التونر على وجهك ورقبتك فرغي الكبسولة وحطيها على وجهك ورقبتك وكمان لو في زيادة حطيها على يدك من برا وادعي لي.