مفرَّغ من كلام صاحب التجربة نفسه

مساء الخير بنات اليوم راح اتكلم عن تجربتي مع زيت جوز الهند. بصراحه اول ما سمعت ان في زيت ممزوج بالبصل استغربت شوي قلت ممكن ان الريحه تكون قويه او ثقيله على الشعر. بس والله ما ابالغ ان اول ما جربته تغير رايي تماما. اول استخدام حسيت انه يرطب الشعر شويه ويرطبه من الجذور بدون ما يخليه دهني بشكل مزعج والقوام كان خفيف ويتوزع بسهوله خصوصا على الاطراف اللي دائما تتقصف عندي.

واهم شيء لاحظته بعد كم استخدام هو ان التساقط خف كثير مره وكان البصل يعطي شده وثقل لبصيلات الشعر. بينما ان جوز الهند يعطي ترطيب ولمعان حتى النفشه اللي كانت تضايقني بعد الاستشوار صارت اقل. والريحه مو قويه مثل ما توقعت فيها لمسه خفيفه من جوز الهند تغطي على ريحه البصل بشكل كبير خصوصا اذا غسلتي بعد ساعتين او ثلاث.

بعد فتره انا لاحظت ان شعري صار انعم اسهل في التمشيط وشكله مرتب اكثر حسيت فعلا ان الزيت ينفع لو شعرك يتساقط او يحتاج ترطيب بدون ما يثقله. من الاخر لو تبين زيت طبيعي يحسن ملمس شعرك ويقويه بنفس الوقت تجربتي كانت مع جدا ايجابيه فانصحكم فيه يا بنات مره لا تفوتون الفرصه.