مفرَّغ من كلام صاحب التجربة نفسه

اهلا مساء الخير بنات. اليوم راح اتكلم لكم عن تجربتي مع صابون الحمام المغربي بزيت الزيتون. صراحه اول مره جربت الصابون كان حسيت انه فوار ومختلف عن اي سكراب او صابون عادي استخدمته قبل. قوامه سميك ولونه غامق يعطي احساس انه منتج قوي خصوصا انه من النوع اللي فعلا يلين الجلد قبل التقشير.

وكيف كانت تجربتي معاه بالضبط قبل ما ادخل الحمام سويت بخار بسيط وبعدها حطيت طبقه خفيفه من الصابون على جسمي. حسيت انه ينزلق بسرعه وما يجف ما يجفف الجلد بالعكس يرطب شوي بحكم زيت الزيتون. ولكن بعد خمس دقائق بدات استخدم الليفه المغربيه وهنا كانت لحظه مره يعني صدق وضحت انه الجلد الميت صار يطلع بسهوله بدون ما احس بحرق او شد مزعج يعني.

وبصراحه هل انصح فيه؟ اي نعم خصوصا اذا تبين شيء يساعدك قبل المناسبات او لو كنت تحبين روتينات مغربيه لكن اهم شيء لا تستخدمينه كل يوم مره بالاسبوع تكفي ولو بشرتك حساسه جدا جربي على جزء صغير اولا. والنتيجه بعد الغسل يعني بعد ما استخدمته بشرتي صارت انعم بشكل اوضح وحسيت بنظافه مختلفه مو بس ريحه نظافه لا احساس نظافه عميق.

حتى لمعه الجلد كانت واضحه لانها نظفت الطبقه الخشنه والريحه خفيفه ما تزعج صراحه. فانصحكم فيه يا بنات مره مره جميل. حتى كمان مكتوب هنا للعرايس يعني لا يفوتكم صراحه يعني جدا جدا مفيد. وانصح فيه.