مفرَّغ من كلام صاحب التجربة نفسه

السلام عليكم اليوم بقول لكم تجربتي مع شامبو جيوفاني. هذا الشامبو شامبو مرطب طبعا. ما هو بلسم بس شامبو مرطب. أفضل شيء تستخدميه بعد الشامبو المنقي لأنه الشامبو المنقي طبعا بعد ما تستخدميه في الفروة بينشف لك شعرك فهذا تستخدميه على الشعر بعدها عشان يرجع لك الرطوبة في شعرك. طبعا أنا لو باين يعني مخلصته بس ما يبان إلا مع الإضاءة.

باقي له بس شوية. وبرجع أطلبه ثاني وثالث مرة صراحة يعني مرة مرة مرة كويس. وكميته كبيرة وأساسا أنت نقطة بس يعني ممكن كمية إصبع إصبع ونص تكفيك حق شعرك كله تستخدمي فيه يعني على طول يسوي رغوة يعني تحطي نقطة على طول تسوي رغوة وتكفي لك شعرك. فهذه النقطة كمان مرة حلو فيها.

زي ما قلت استخدمه بعد الشامبو المنقي. عشان شعري صراحة مرة جاف لاحظت أنه ساعدني في الجفاف وزي كذا. بس ما خفف النفشة للآن صراحة ما لقيت شيء يخفف النفشة بس أنه يهجد الشعر يعني ينعمه. ما في تشابك ما في هذا بس في نفشة. أنا اشتريته. أنا اشتريته بعروض حقت آي هيرب.

طبعا اشتريته من آي هيرب. فالحين كمان في عروض يعني لو أحد يبغى يشتريه مرة مرة أنصحكم فيه يعني أحس لازم كل واحدة تحتاج شامبو مرطب. يعني بعيدا عن الشامبو المنقي وزي كذا الشامبو المنقي ممكن يحتاجوه البعض وممكن البعض ما يحتاجوه. بس المرطب ضروري ضروري أحس عند كل واحدة.

لأنه أغلب الشامبوهات التجارية تنشف الشعر وتحسوه تخففوا. بس هذا ما شاء الله مرة مرة يعني كويس وما فيه مواد ضارة. وبس.