مفرَّغ من كلام صاحب التجربة نفسه

أهلاً بنات، اليوم بتكلم لكم عن تجربتي في لانش بوكس الأطفال. طلبتها من شي إن، مرة جميلة صراحة، طلبت اثنين بأسماء عيالي، واحد بالروضة وواحد بالمدرسة. أحلى ما فيها وشو؟ الاسم، طباعة تختارين الاسم اللي تبغين سواء بالعربي أو بالإنجليزي، أنا اخترت بالإنجليزي عشان عيالي. غير كذا، معاها شوكة وملعقة بس ضيعوها، أطفال وشيء زي كذا.

المهم فيها ثلاث تقسيمات، طبعاً في أكثر من أكثر من ثلاثة، بس أنا اخترت هذه الثلاثة لأن أكلهم ما هو بواجد أصلاً. غير كذا، فيها ربل حلوة، تحفظ تحفظ الأكل، ما تخلي الأكل يتكبب أو حاجة، مرة جميل، قوية حتى لو تقفلت صعب فتحها صعب لأنها قوية مرة. بوريكم. من ثلاث جهات تتقفل.

مرة صراحة جميلة جميلة أنا حبيتها. حلوة صراحة، تحفظ تحفظ أكل أطفالهم. عجبتني أنا بشكل مرة. طبعاً طلبتهم قبل، مو مو طلبتهم، أخذتهم من من هنا من المكتبة، لانش بوكس بس ما عجبني، يتكبب، ينحاس. ما فيها كان ربلات. بس هذه لا، اللي عجبني فيها أكثر الربلات، تحفظ الأكل، تحفظ أي شيء ينحط ما ما يتكبب.

ما يحوس، هو ما يحوس بالضبط أنه ما يحوس اللانش بوكس. سواء تحطين لهم فطاير، تحطين لهم أكل هنا ويصير هنا لهم العصير، تحطين زي مثلاً مكرونة، شيء بسيط زي كذا، مرة صراحة حلوة، ما يحوس فيها أبداً، جربتها في كذا حاجة. في السفر، في الطلعات الحدائق، في المدرسة، مرة تعجبني.

صرت أحط لهم كل حاجة فيها صراحة، أعتمدها لهم. وشكراً لكم.