مفرَّغ من كلام صاحب التجربة نفسه

هلا والله بنات، ابغى اتكلم لكم اليوم عن المصحح هذا من هدى بيوتي. أولاً يا بنات المصحح جداً مهم إذا نبغى ناسس بشرة ما فيها أي بقع رمادية وتبغوها تكون قطعة واحدة لازم تستعملوا مصحح. في بعض الأحيان يقولوا إنه بشرتنا ما فيها بقع وزي كذا، يمكن يكون فيها بقع لكن ما تبان إلا بعد الكونسيلر وإذا حطينا المصحح قبل الكونسيلر حتشوفون الفرق بنفسكم.

طبعاً المصحح هذا من هدى بيوتي جداً جداً جداً جميل. أولاً قوامه مو ثقيل على البشرة ويندمج بسرعة ونقطة منه تكفي جهة كاملة. فأنا أحطه وأستناه كذا خمس دقائق وبعدها أحط الكونسيلر. ويا بنات التغطية فل كفرج يعني حتى لو الكونسيلر حقك تحسي إنه ما يغطي تمام هذا المصحح حيفيدك مرة.

لأنه يصحح اللون أول شيء يصحح لون البشرة وبعدها لما تحط الكونسيلر حتشوفون الفرق بعينكم يا بنات. تقدروا تستعملوه تحت العين وحوالين الفم وعند الأنف وعند الخدود مكان التصبغات يا بنات جداً مهم في الميك اب. وأنا أنصح صراحة بهذا المصحح من هدى بيوتي لأنه أنا قد جربت كذا مصحح من كذا مكان وما شفت النتيجة هذه اللي شفتها من هذا المصحح.

ودرجتي فيه اسمها مانجو وهذا اللون زي ما أنتم شايفين ما أتوقع باين مرة لكن أنا بشرتي من حنطية إلى سمرة وهذا هذه الدرجة ناسبتني. إذا أنت أفتح أتوقع تناسبك ما تناسبك الدرجة هذه. في في درجات منه أفتح وأغمق ومستحيل ما تلاقوا درجتكم منه. وإذا تبغوا نصيحتي يا بنات لازم يكون في دولابكم أو في درجكم هذا الشيء.