مفرَّغ من كلام صاحب التجربة نفسه

السلام عليكم. اليوم حابه اتكلم عن تجربتي في شراء الطابعه. وطبعا كل بيت فيه اطفال يحتاج انهم يكون عندهم طابعه. ومو اي طابعه لازم طابعه يعني تكون طباعتها قريبه لشكل الكتب. وكمان فيها الوان كثيره ووضوح وجوده الصوره وسرعه في الطباعه وكمان في الدقيقه تطبع لكم اكثر من صوره. وانا جربت كذا طابعه لكن اللي ارتحت معاها هي طابعه ابسون.

ابسون هذه وهذا رقمها. مره كويسه ومره سريعه تحتاجين طباعه اوراق لاولادك طباعه ملازم ملفات واحيانا تضطرين طباعه كتب احيانا اذا فقدتوا الكتاب يعني ممكن تطبع لكم الكتاب. وجوده مره جيده كان الكتاب طالع من المطبعه. انا ارتحت عليها وكمان فيها واي فاي. واي فاي الواي فاي هذا على طول بتشبكينه مع الجوال وعلى طول يتم الطباعه فيه بسهوله وبلوتوث وسكن اللي هو النسخ.

بصراحه مره جيده يعني انا اعطيها تقييم ممتاز. مره رائعه عجبتني وريحتني. وغير كذا يعني ممكن الحبر يظل معاكي يمكن طول السنه وانت شغاله تطبعي الملازم والاوراق والبحوث والصفحات الصور مره دقيقه ورائعه. مره جميله وخصوصا اللي عنده اطفال والشركات اكيد ما راح يستغنوا عنها. وانا مره عجبتني من ناحيتي انا عجبتني.

وشكرا لكم.