نص الفيديو
▾
مفرَّغ من كلام صاحب التجربة نفسه
السلام عليكم ورحمه الله وبركاته، بحكي لكم عن تجربتي مع طابعه ابسون. أولاً طابعة رهيبة رهيبة مرة حلوة الألوان فيها واضحة. يعني أنصح فيها هذا أول شيء. ثاني شيء الحبر حقها تراه غالي بس يطول معك، مرة مرة يطول معك. أساساً الحبر حقها سائل يعني كذا تفتحونه. كذا تعبونه من هنا تعبئة.
هذا أول شيء. ثاني شيء. إحنا نستخدمها بس أيام الدراسة. فلما تجي الإجازة ما نستخدمها. يعني إجازة مدتها شهرين وما استخدمناها ولما جينا بنستخدمها لما بدأت الدراسة ما رضت تطبع معنا والألوان حقتها كانت ما هي واضحة. فاكتشفنا لما رحنا بنصلحها أنها لازم تطبعون على الأقل ورقة لو في الأسبوع.
فهذا أهم شيء أنكم ما تخلونها تطول لازم تطبعون كل أسبوع ورقة ورقتين أهم شيء أنها ما تطول وهي مسكرة. طبعاً يمديكم تحطون هنا مثلاً إذا أنتم تبون تطبعون بطايق تحطون البطاقة هنا. هذا أول شيء ثاني شيء عندها تطبيق خاص تشبكين منه. فوالله أنصحكم فيها سعرها أظن 400 ريال أو 500.