مفرَّغ من كلام صاحب التجربة نفسه

هاي بنات منتجنا اليوم هو كركديه من باجة هو كركديه عادي بس الصراحة مرة أحبه، ودحين حوريكم كيف شكله من الداخل فكذا شكله من الداخل، زي ما أنتم شايفين كركديه عادي وهذا شكل العلبة من الجنب، فخلونا نشوف مع بعض الطريقة طبعًا الطريقة مكتوبة هنا تحت، إنه تاخذوا ملعقة من الكركديه، أوكي، وتحطوه على النار طبعًا تحطوا الموية 150 مللي وتخلوه على النار لما يبدأ يغلي تبدأ تحسبوا دقيقتين وبعد دقيقتين خلاص طفوه، تمام؟

لما تطفوه خلوه حتى مرة يبرد عشان تدخلوه الثلاجة وانقلوه الكركديه في يعني كونتينر مناسبة له، أنا نفس بوريكم طريقتي، طريقتي مختلفة شوي، فدحين أوريكم هي أنا عن نفسي أحب أستخدم هذه البريسر من ايكيا، طبعًا هذا الحجم الكبير، عادي تقدر تستخدم الصغير بس أنا الصراحة أشوف الكبير مرة مناسب لي، الكمية مرة تناسبني، فخلونا نسوي مع بعض أحاول أحطها بالقعر زي كذا الكمية تقريبًا، ما حاولت أكثر لأنه الصراحة ما أحبه مركز مرة بعدها نحط موية مغلية آخر حاجة نغطيه، طبعًا ما ننزل البريسر إلا بعد فترة عشان أبغاه بتركيز معين ويكون مرة حلو

فأخليه يتمزج ولا أكثر بعدين أنزله، يعني كذا ممكن ربع ساعة، وأخليه برا حتى يبرد بعدين أقدر أدخله الثلاجة طبعًا تقدروا تستخدموه خلاص دايركت بعد ما يبرد وكل حاجة ويكون بارد تقدر تحطوا معاه ثلج بس أنا عن نفسي الصراحة السر اللي مرة يحلي الطعم تصبوا لكم في كاسة طبعًا يكون بارد مسبقًا وتحطوا معاه لبنيد عصير ليمون خصوصًا اللي يكون معاه نعناع فأنا عن نفسي جربته مع شركة ندى اللي مو نعناع أحبكم العصير خيال يا بنات يشبه طعم حق ستاربكس الكركديه مرة مرة حبيته، وأنا الصراحة أسوي كمان ميكسشر من فترة لفترة أحب أحط معاه فواكه زي كذا أشياء حلوة، فمرة مرة حبيته