مفرَّغ من كلام صاحب التجربة نفسه

السلام عليكم ورحمه الله وبركاته. تجربتي اليوم عن منتج تونر ذا بودي شوب شجره الشاي سكن كليرينغ ماتيفاينغ تونر. يعني منقي ومخفف لمعان البشره. تجربتي له اعطيها 10 على 10 طبعا. اكيد راح ارجع اشتريه لو خلص. السعر مقارنه بالكميه جدا مناسب السعر بحدود ال 65 على ما اظن لانه انا شاريت تقريبا قبل سنه او اكثر من سنه حتى.

الكميه ممكن انه التصوير حجمها صغير لكن هو 400 مل العلبه جدا كبيره. من خلال تجربتي له انا عن نفسي ناسبني لكن سبب لي حساسيه. ليه ناسبني؟ لانه خفف لي ظهور الحبوب اللي بالبشره. نقال المسامات تحديدا المسامات اللي بالانف مع استمراري باستخدامه لاحظت انه المسامات بدات تختفي خصوصا نفس ما قلت اللي بالانف يخلي الانف يلمع من النظافه.

خفف لي لمعان البشره اللي بالجبهه واللي بالانف. لكن نفس ما ذكرت سبب لي حساسيه لانه انا بشرتي مختلطه مختلطه ودهنيه بالاضافه الى انها حساسه. كنت استخدمه بالالتزام مرتين يوميا. ما كنت استخدم بعد اي كريم. فممكن هذا السبب اللي خلاه يسبب لي حساسيه. فانا انصح اللي اللي ناوي انه تستخدمه او تجربه او تعطي فرصه للتجربه.

تستخدمه مرتين الى ثلاث مرات بالاسبوع. قبل السكن كير بالليل لانه ما اظن انه ينفع نطلع فيه بالشمس. الرائحه جدا جميله لكنها نفاذه. يعني ممكن انه البعض ما يستفوا. لكن انا عن نفسي بتعجبني وتروقني يعني. امم. اعطيه نفس ما قلت 10 على 10. الكميه جدا كبيره. صرت استخدمها للاكواع والركب واي منطقه بالجسم الاحظ انه فيها تراكم للدهون استخدمه وتعطيني نفس النتيجه كانه يعني مسويه سكراب واشياء بهذا المنتج.

تحذير مره ثانيه لا حد يستخدمه اذا بشرته حساسه او انه يستخدمه بحذر. لكن انا عن نفسي فادني بس سبب لي حساسيه حول الانف والفم لاني ما كنت استخدم بعد كريم فلي بتستخدم تستخدم بعد كريم وان شاء الله يناسبها شكرا.