تجربتي مع سيروم فيتامين سي

الوصف

بعد سنتين من استخدام سيروم فيتامين سي من أدفانسد كلينيكالز أقدر أقول إنه من أكثر المنتجات اللي ثبتت في روتيني بدون ما أغيرها. أنا الآن على ثالث علبة، والسبب ببساطة إنه يعطي نتائج واضحة لكن بشكل تدريجي وهادئ يناسب بشرتي. من أول فترة لاحظت إنه يعطي إشراقة لطيفة، لكن مع الاستخدام الطويل بدأت أشوف الفرق الحقيقي. بشرتي صارت أكثر توازن، لونها موحّد أكثر، وحتى البقع الخفيفة اللي كانت تحت العين وعلى الخدين خفّت بشكل واضح. مو اختفت 100٪، لكن فرق كبير عن قبل ما أبدأ